近呢幾年觀塘區開左好多各式各樣嘅Party Room，有平有貴，有大有細，早前有朋友生日，我地都選擇左去Party Room搞，依家咁多間Party Room我地應該要點選擇好呢? 今次我地就選擇左價錢唔太貴，個場都好夠大嘅Partyland Plus啦。
呢個就係Partyland Plus個門口，雖然個門口就唔係好大，但係都算裝修得個門口幾靚，同埋入到去就知原來係好大好多間主題房。
入到去右手面係一幅留影牆，好多明星都有係到留低佢地嘅合照嫁。
入到去正前方就係Common Area，入面d設施係要大家Share用嘅，如飛鏢機同桌球台。
入到去左手邊就係去各個主題房嘅通道啦。
今次我地選擇左3號房 – Mega World，呢間房冇咩野玩，得一個巨型蛋糕同一d公仔衫，右邊冇影到嘅係一部電視機。
呢間主題房本身真係冇咩野玩，都係用黎做背景影下相咁。好彩Partyland Plus本身有提供一d Board Game比大家，同埋可以去Common Area到玩，雖然我地最後都冇去到，哈。
因為我地訂得太遲嘅關係，所以已經冇曬靚個d房，最後只好訂冇咩野玩嘅3號房，如果大家想訂靚d同本身間房多d其他野玩嘅主題房呢就記得早d打電話去預訂啦。不過價錢我就覺得算幾抵，3.5小時/HK$88一位，包飲品任飲，都係汽水呀夏枯草呀個d多，重要係只可以飲完一支先可以拎第二支，冇得一次拎兩款，飲完重要比返個空樽佢地。除左包飲品外，大家係預訂個時重可以order定到會，咁大家就可以一邊玩一邊食啦。
其他詳細資料大家自己上佢地個網睇啦，上google search Partyland就搵到佢地個網站。
Partyland Plus
地址: 九龍觀塘開源道55號駱駝漆大廈7樓C室
電話: 59318688
