Day 3 2016/7/3 皇帝島、珊瑚島一日遊
Day 1個時已經有講我地book左兩日local tour，其中一日係去皇帝島+珊瑚島浮潛加海底漫步。
今日晨咁早就起左身準備好曬d野，食埋個杯麵就落酒店樓下上車出發啦~ 因為個tour係包左接送，所以我地就唔洗自己揸車過去啦。
報tour嘅地址同價錢大家可以睇返Day 1嘅Blog。
司機送到我地去碼頭之後就要先去登記同拎手繩先，之後齊人就出發行去個碼頭等上船啦~
上船之後導遊會同大家講解今日嘅行程，去邊個島，幾點做咩咁，同埋佢會問有冇人會暈船，如果有就會比定個袋你，但係就冇暈浪藥，開船個時大家係必須著曬救生衣嫁。
我地當日個行程就係先去帝皇島，之後去浮潛，跟住去珊瑚島食Lunch同自由活動，咁我地加左海底漫步，所以自由活動個時會玩埋海底漫步，玩到咁上下導遊就會叫大家集合坐船返碼頭，再由司機車我地返酒店嫁啦~
第一站帝皇島，去到見到個灘咁樣，都唔靚嘅，又多石仔，水又唔清，我明明見人地個d相好靚嫁wor，跟主我地問個導遊先知，原來帝皇島係有分主灘同副灘，我地今日去呢個係副灘，所以就咁樣衰lor。導遊重話因為係今日主灘個邊大風大浪，所以主灘要關閉，如果唔係我地去主灘就會好靚。
見到個灘咁我都冇咩心情游水，都係租左張沙灘椅訓係到曬下太陽算，沙灘椅要100THB一張，咁我就曬下太陽等到時間到就去浮潛啦。
準備去浮潛lu，大家如果唔想同人共用個Mask同呼吸管記得去之前買定一set啦。
落到水梗係要照返張相先啦，浮潛點d水都算清，叫做望到下水底有咩啦，我諗水深大約3-4米到。
呢d黃黑間嘅魚係最多，不過我都唔知叫咩名。
水母一大隻，導遊話琴日都見到有水母，所以叫我地陣間要小心，點知真係有，因為唔知有冇毒，所以我都係離遠影張相算啦~ 放你一馬啦!
除左黃黑間個d魚我地重見到一d藍色嘅魚，不過都係唔知咩魚黎，有d重好大條，不過我影唔到，佢地游好快。
時間咁上下導遊會叫大家上船，每次上船都會比一支汽水大家飲。
浮潛完就會坐船去珊瑚島食自助午餐啦，個自助午餐都唔錯，都幾岩我口味，我覺得最好食係個咖哩。因為好快食完就準備去海底漫步，所以都冇點影相。
呢個就係珊瑚島個沙灘，當日天氣唔算太好，不過水都算清同d沙都好幼，呢個灘就有返d心情去游下水啦。不過係游水之前要去左玩海底漫步先。
海底漫步合照一張，玩過嘅朋友就知，其實佢地比一個頭盔你戴，之後有條管連住個頭盔，d空氣就係條管到輸去你個頭盔到，等你係水底都可以吸氣啦。
海底漫步d魚都係個d黃黑間嘅魚比較多。
落到水底，其實係圍住一個珊瑚礁，係個珊瑚礁我就見到有小丑魚Mo仔啦。
係水底大約半個鐘左右啦，最後係上去之前佢地員工會比舊麵包你引魚過黎，舊麵包差唔多比魚食曬就會叫你上水嫁啦。
返到沙灘個fd要扮野咁影張相。係沙灘玩左陣之後就去左浮潛，睇下個灘水底有冇野睇先。
個灘水底有好多呢d唔知咩黎，你游埋去佢地就會縮埋入去，水底重有好多好長針嘅海膽，不過要深水少少先見到，淺灘唔會有，所以都唔怕會踩到。
搵左一陣，好好彩咁比我地搵到兩舊軟珊瑚，每舊都有d魚仔住係入面，不過就應該唔係小丑魚Mo仔啦。
玩到有d攰就返上岸搵張沙灘椅坐低休息下，呢到嘅沙灘椅就唔洗比錢嘅，搵岩個靚就可以坐嫁啦。
時間夠啦，又係時候要上船啦，每次上落船都係要行呢條浮係海面嘅路，如果大浪都幾難行嫁。
上到船又有汽水飲啦，我記得重有一次生果食嫁，有西瓜同波羅比你選擇，不過我唔記得係邊次上船先有lu。
嫁船開到返碼頭之後，導遊會安排大家坐車返酒店，當然走之前又係有d紀念品問大家買唔買啦，多數都係之前佢地員工幫你地影嘅相，再幫你放入個相架到。因為影得都唔靚，所以我冇買到。
返到酒店，我地沖個涼換件衫就揸車去左夜市搵野食。
Phuket Weekend Night Market 地址點擊呢度
個夜市都好多野食同好多野賣，不過我地掛住食唔記得左影相，哈。
呢度係賣一d有泰國特色嘅袋同銀包嘅小店。
我地重有食呢個炒雪糕? 正確其實係叫咩名? 布吉好多呢d炒雪糕食，周街都係。
食飽之後我地就揸車返去做Foot massage，massage完就返酒店訓啦，聽日我地重有個tour要參加，比今日要更早起身呀~~
Day 3 完~
Day 4 2016/7/4 激流一日遊
今日晨咁早起身坐車去玩激流，但係有一樣野我唔記得帶去，就係我部運動相機呀~~~~ 所以激流都冇影到好多相。
晨咁早起身就係黎呢到去玩激流啦，原來黎呢到車程要成2個鐘，唔怪得要咁早起程。
因為唔記得帶相機嘅關係，所以都冇咩相可以post，咁就簡單講下玩左d咩啦。
去到導游點好名就會介紹活動，之後會問你加唔加錢玩長d同激d，因為我地去係雨季，所以水量夠，咁我地就可以加錢玩多幾公里，平時係冇嫁，價錢我唔記得左lu，不過我記得唔太貴，所以最後我地都加左。
玩完激流就去左食自助午餐，不過呢次自助午餐我覺得冇出島個次咁好食，不過不失啦。食完野就會叫你去滑索，一人只可以滑一次，兩個人滑一條綱索。
之後就去左馬騮山睇馬騮，冇咩特別，相信香港人都見唔少，所以都冇咩介紹。
睇完馬騮之後，會再車大家去一個好似樂園咁嘅地方，我地係個到玩左ATV同埋睇左兩場show，一場係馬騮表演，一場係大象表演。個tour重有包埋Fish Spa，不過我地都冇玩到，怕唔乾淨，其實本身重有得騎大象嘅，不過我地大家都唔想騎，所以報名個時就取消左，可以平300THB，到時去到又想騎都係比300THB就得。
馬騮仔表演其實都幾慘，比人捉左去訓練，又冇曬自由。
大象表演同之前睇過個d一樣，都係射氣球呀，轉呼拉圈呀個d。
係個樂園玩完之後就會去最後一個checkpoint，就係去水果城食水果，佢會比呢碟水果大家食，咩都有d咁啦，不過唔多新鮮。
返酒店其間，個fd攰到係架車到訓成咁樣，哈~ 返酒店又要兩個鐘，路程十分慢長呀。
Let’s Relax 平價連鎖Spa
之後我地就去左Let’s Relax做Oil Massage，上面張圖係佢地個地址同電話。
圖片來源: zuiaihot
第三街呢間Let’s Relax係較第二街大間，亦都新d。
圖片來源: sanexp
一入到個門口直行就係個Reception。
圖片來源: zuiaihot
係等嘅其間，你可以坐係佢周圍有好多Sofa之類嘅位置，佢地重會有杯茶比你慢慢飲住黎等。
因為我地係選擇左Oil Massage，所以差不多嘅時候佢地會叫你去選擇用邊隻Oil，有6款比你選擇，有寫明有咩功效同可以比你聞下咩味。
到鐘嘅時候會有人過黎叫你換鞋，之後帶你上房，兩個人一間房。
上到去佢會叫你沖涼換佢地準備好嘅內衣褲，佢地會係出面等，準備好就叫佢地。房間環境舒適，燈光昏暗，一路按會一路播放一d柔和嘅音樂，所以都好relax。我個朋友都按到訓著左打曬鼻鼾，超大聲。按完之後佢地會開始汁野，跟住叫你著返d衫但係唔好沖涼，因為要比個身體吸收返d精油。咁佢地會係門口等你嘅，你換好衫之後出去見到佢地就可以比貼士，大約係比你個package嘅10%左右已經OK，自行因情況加減數量。
圖片來源: zuiaihot
按摩完佢地會帶你落返樓下，比杯薑茶同曲奇餅比你食，食完休息完就可以直接走嫁啦。
No. 99 Restaurant 食海鮮
因為未食晚餐，所以massage完梗係去食野啦，有人提議去食海鮮，咁我地就去左呢間都算出名嘅舖頭食海鮮啦。去到坐低，係d人妖黎幫你落order，OK冇問題，可能係佢地特色，不過佢地服務真係十分唔好，諗下食咩都唔得，又叫我地快d啦，食物又唔係話好食，又唔算平，雖然唔係話好貴，但係唔會再試lor，除左上圖個d野，我地重叫左一個牛肉同啤酒。之後我地去左一個地方食海鮮，價格OK，下個post再介紹。
食完就返左酒店訓lu~
Day 4 完~
