Day 5 2016/7/5 Baan Rim Pa泰皇餐廳+Big C 購物買手信+地道市場食海鮮
今日一起身就去左同屬芭東區嘅Baan Rim Pa泰皇餐廳食呢個嘅泰式宮庭料理。
係入去間餐廳之前，我地見到一舊冰係門口，咁我地又要做d白痴野啦。好好彩我兩round都win左，唔洗受罰，哈~
個到個view唔錯，即刻影返張合照先。
個到係可以望到成個芭東海灘嫁，日落個時黎，重要坐係邊位，十分好feel，呢d正位一定比人預先book曬，所以大家想住呢d正位睇日落就要預先打電話去book定先啦。
咁我地就叫左5個餸加一人一碗白飯，味道好好食，不愧係泰皇式宮庭料理餐廳。不過價格都唔平，大約HKD200一個餸，但係好值得一試，因為真係幾好feel同好好味。同女朋友黎睇住日落食最岩啦。
食完出到去見到門口舊冰變左做呢舊冰雕了，如果我冇估錯，應該就係一條魚黎。
Baan Rim Pa Patong
地址：223 Prabaramee Rd. Kathu District, Potong
區域：芭東地區Potong Beach
電話：093-5845563, 076-340789 or 076-341768
網址：www.baanrimpa.com
時間：11:00～24:00
預約：強烈建議
價格：主菜250~1200泰銖。價格僅供參考，請以現場標示為主。價格需外加(10%服務費及7%商業稅)。
食完野之後我地就去左Big C shopping了，呢d就係我買左嘅野啦。相對其他人，我買得算少了。
Banzaan Fresh Market 地道市場食海鮮
去Big C買完野返酒店之後我地就出去周圍行，諗住睇下重有咩買同今晚食咩好，行行下點知落雨，咁我地就快快手咁衝左去一個好似街市咁嘅地方，原來個到係一個好出名食海鮮嘅地方，係下地下買完海鮮，之後就拎去上層比人煮，估唔到我地唔打唔打撞咁黎到呢到，咁點都要食返餐海鮮啦。
我地買左海鮮之後就拎左上去比人煮啦，因為我地都唔知邊間煮得好，咁我地都係隨便搵間就算，之後就搵左呢間啦，料理費冇記錯好似就係600幾THB。
呢到有5個海鮮，材料費好似2000幾THB，全部都好好食，係個芝士焗龍蝦差左d。
呢到食價格OK，唔算貴唔算平，味道可以，所以大家想食海鮮可以去呢到食，唔洗去街邊d舖頭到食，又貴又唔好食。
地址： 181 Rat-U-Thit 200 Pee Rd., Patong, Kathu, Phuket 50120, Thailand
食完之後繼續周圍行，3個朋友走左去買左3件今年新款波衫，我冇睇開波，所以我冇買到。中間個位朋友右手就係紋左Henna紋身啦。
買完波衫之後有個朋友又話想試下整個印度Henna紋身，咁就又走左去紋Henna紋身啦，佢會問你想紋咩字，之後會打印出黎，再印去你隻手到，跟住再用Henna紋身膏填滿d字，等佢乾左之後就可以啦，大約可以keep到一至兩星期，紋前臂兩段字，大約350THB。
紋完就返左酒店汁行李沖涼訓啦。
Day 5 完~
Day 6 2016/7/6 Airasia 歸途
最後一日其實都冇咩好做嫁啦，都係訓到黃朝百晏之後隨便去7仔食d叮叮野就去機場。
揸車去機場中，好彩最後一日先落大雨，如果唔係真係冇曬癮。去到差唔多到機場個時我地就去左入油，因為要滿油還車，我記得好似入左900THB左右，我地原本應該重有1/4-1/5油量，打爆先900THB，好平，香港入油真貴。
去到布吉機場lu，去到就停左雨啦，還車之後我地就去check-in先，之後再去食野。還完車先知有個朋友留抵左個袋係車上面，之後又要搵返租車公司開返架車過黎比返個袋我地。點解會留抵呢? 陣間講。
點解會留抵個袋未就係因為有個傻仔落車個時跌左個電話落地，重爆埋mon，所以未唔記得左自己個袋重係車入面lor。
Check-in完我地就去左食Burger King，食完就上機等起飛啦! 回程我地係坐Airasia嘅，買左佢地個pakeage，包20KG行李同一個小食，我個次就係三文字，我唔知係唔係次次一樣。
因為係短途機，所以訓左一陣就已經到左香港lu~
不得不讚香港嘅機場真係有效率好多。落好快就有行李，拎完就可以走得，唔似布吉機場，落完機等左勁耐都唔見行李，搵又搵唔到，問又冇人知，最後搞左勁耐先搵到d行李。拎完行李就去左坐巴士歸家。
返到屋企附近，是但去左間茶記食左個宵夜就各自歸家啦，第二日重要返工呀~~~真係慘~~~
Day 6 完~
