日期: 2016年7月30日 – 31日 1pm至深夜
地點: 中環蘭桂坊
蘭桂坊搞音樂啤酒節梗係要去玩下啦，各種啤酒同小食個到都有，梗有一款岩你。
去到梗係買返杯啤酒飲先啦，我地就買左呢個特別造型嘅杯，係一個比堅尼女士嘅造型杯，其中一個朋友係買左靴嘅造型杯。
呢個就係我地買個間嘅價錢牌啦!
行行下就見到呢班人係到玩樂器，全部人都停曬係到一齊唱一齊玩，十分high。
跟住行行下見到有個台，原來係用黎搞斗快食Big Mac比賽，不過要加一成支Tabasco入去，最後係右手邊個果墨西哥女士win左。獎品就係一件官方T-shirt，姐係女主持著緊個件。
女士比賽完就梗係到男士啦，身為男主持又係前港男嘅溫家偉即刻自動報名話要參加，咁佢就成為左其中一位選手啦。
最後就係比溫家偉win左啦，咁佢份獎品就掟左比台下嘅觀眾，咁岩飛左去我地呢個方向，咁就比我個朋友拎左啦。
就係比溫家偉左手邊個果朋友拎左啦，之後我地走左去同溫家偉影合照，佢個人都幾nice，基本上都係來者不拒。
岡本係到有個Booth係到，有好多靚女model係到派下扇呀帽呀個d。
之後我地去左搵野食，我地是但去個Booth見到有串燒就買左黎食，食完行左陣就走左lu
