鍾意食辣嘅朋友，得閒總會約埋一齊去試川菜，今次我地就去左試呢間”川熙樓 Chuan Xi Restaurant”，係佢未搬之前已食左一次，係比較港式風味嘅四川菜，已經唔算辣，好岩唔食得辣又想食川菜嘅朋友去試。今次搬左之後到底有冇變化呢，咁就要食左先知啦。
入到去個環境係比較中國風，冇咩人食，好靜，可以一路傾偈一路慢慢食。
我地叫左5個餸同啤酒啤啤佢。
第一樣係千層肚，辣度一般味道一般，份量好少。
第二樣係手撕雞，呢樣係唔辣嘅，因為有朋友唔太食得辣，所以叫左兩樣唔辣嘅餸。呢個味道不過不失啦，不過又係份量好少。
第三樣係水煮牛，呢個都係唔太辣，不過幾好味，牛肉好滑，好野味，我地每人食左兩個飯先夠皮。
第四樣係燒甜鴨，同個名一樣係甜嘅燒鴨lor，味道OK，肉質都嫩嘅。
第五樣就係炒豆，正確個名唔記得左，其實就係用國內燒烤個d香料黎炒個豆，都OK野味。
我地5個人叫左5個餸5杯生啤埋單HKD1300幾，每人HKD270。
總括黎講呢間係比較適合想食辣，但係又唔食得辣嘅人食，如果係好鍾意食辣又好食得辣，咁呢間就可能唔太岩啦。
川熙樓 Chuan Xi Restaurant
地址: 尖沙咀金巴利道28號君怡酒店M/F
M/F, Kimberley Hotel, 28 Kimberley Road, Tsim Sha Tsui
電話號碼: 2882 9020
