到左週末，當然要同朋友出黎聚聚啦，咁岩係中環有呢個嘅「建行（亞洲）香港美酒佳餚巡禮」，唔洗講一定要去賣醉啦。
「建行（亞洲）香港美酒佳餚巡禮」宣傳片，來源：香港旅遊頻道
今次我地就買左佢地嘅標準品酒證，原價HKD200，如果你有建行信用卡可以平HKD30，銀聯卡再平多HKD30，所以我地HKD140已經買左一套標準品酒證，包Stölzle 酒杯一隻、8張品酒券同埋一疊coupon。如果你8張品酒券都唔夠你飲，你都可以再買，HKD20一張。不過我地冇再買到，8張已經好夠啦，因為我地飲左好多杯都唔洗比品酒券，哈哈!!
呢隻就係送個隻Stölzle 酒杯，話咁快已經用1個Token換左一杯Moscato啦，一般1-3個Tokens就可以換到一杯酒，主要睇返酒個級數。
因為我地有個朋友好鍾意飲Moscato，所以我地走左去澳洲酒區到搵，但係唔知點解，澳洲酒區反而唔多覺有Moscato試。
除左飲酒，個到重有DJ係到打碟，台下d人都跳到好high，不過我就見佢地係到自high，我見到都覺得好好笑。
入晚之後人數更多，因為大家可以係呢到食埋野都得，掛住飲冇影到食物部份 
因為我地飲左太多啦，飲到最後我地都重有好多Tokens未用曬，所以我地就去左呢間到買曬所有Tokens，2個Tokens就可以換到一杯，都係Moscato黎。
走之前影返張招牌先啦，今次入左去係咁勁飲，由下午飲到夜晚，掛住飲唔係影左好多相。
