有個朋友超鍾意食野，見佢生日，咁岩又係食大閘蟹季節，一於同佢去食大閘蟹放題啦。

我地訂左位，所以去到唔洗等好耐就可以入去坐啦，不過未齊人，冇得食住，因為一食就開始計時嫁啦。

我地係訂左中size，不過入到去，職員建議我地選擇細size好d，一係就大size，因為中同細比唔係大好多，食細比較抵。

飲品有6款，熟食就除左大閘蟹都重有4款比你叫。大閘蟹要自己寫紙仔落order，一開始唔知，重浪費左好多時間，好彩老闆好人，補返d時間比我地。

未黎大閘蟹之前，緊係食住其他熟食頂住先啦。呢款蟹粉水餃冇咩蟹粉味，同皮好鬼死厚，不過今日主角唔係佢就唔緊要啦。

蟹粉扒時菜，老實講，其實未姐係白菜一碟。

蟹膏臘味糯米飯，係樣反而唔太差，可以試食下。

呢個生滾大閘蟹粥其實我都有少少期待，不過黎到食左之後就好失望，唔甜唔香，冇咩味。

主角終於出場啦，哈~哈~

每次每人只可以落2隻order，可選公毑，食曬先可以再落order。

我個人比較喜歡食毑多，所以只係一開始食左一隻公之後，我全部都要毑，貪佢多膏，哈~

公嘅膏會冇咁多，不過會滑身少少，同香d，大家可以自由選擇食公定毑。

同埋食大閘蟹記得一定要配薑茶呀，呢間d薑茶唔錯，都幾重薑味，幾好飲。

上海新大眾大閘蟹專門店

地址：觀塘敬業街69-71號利華科技中心地舖
G/F, Levertech Centre, 69-71 King Yip Street, Kwun Tong
電話號碼：9744 4614 , 3954 5190